Hum Mayoos Kyon Hain || Allah Hume Kyon Aazmata Hai || Log Humara Dil Kyon Tod Dete Hain

via IFTTT

Haan Mujhe Apne Allah Se Mangi Howi
Har Dua Ki Kabooliyat Par Yaqeen Hai
Kyon Ke Allah Ke Aage Ro Ro Kar Girgira Kar
Mangi Jane Wali Duaien Kabhi Raigan Nahi Jatien
Aur Mera Allah Kabhi Bhi
Apne Bande Ko Mayoos Nahi Karta
Mayoos to Hum Khud Karte Hain Khud Ko
Jab Hum Dua Mangna Chor Dete Hain
Ye Keh Kar Ke Humari Dua
to Kabool Nahi Ho Rahi
Ya Shayad Kismat Mien Nahi Hai
Magr Humesha Yaad Rakhna
Ke Allah Apne Kuch Bandon Ki
Dua Itni Jaldi Kabool Nahi Karta
Kyon Ke Usey Bar Bar Apne Bande Ka
Mangna Pasand Aa Jata Hai
Aur Beshak
Allah Unhi Ko Aazmata Hai
Jin Se Wo Behad Payar Karta Hai

Aur Aik Baat Yaad Rakhna
Insaan Jis Se Sab Se Zayada Mohabbat Karta Hai
Allah Usko Usi Ke Hathon Se Todta Hai
Insaan Ko Us Toote Howe Bartan Ki Tarhan Hona Chahy
Jis Mien Logon Ki Mohabbat Aye Aur Bahir Nikal Jaye

Har Kisi Ko Dil Mien Itni Jaga Do
Jitni Wo Tumhe Deta Hai
Warna Ya to Khud Ro Gy
Ya Wo Tumhe Rolaye Ga